Ірі көлемдегі алкогольдік ішімдік партиясы Жылыой ауданыныі Құлсары қаласында орналасқан қоймалардың бірінен табылды.
" Қойманы тексеру кезінде 3,194 литрды құрайтын 6600-ден астам шыны бөтелкеге құйылған жалпы құны 7 млн теңгеге жуық арақ өнімдері табылды.Аталған қылмысқа қатысты 51 жастағы күдікті анықталып, ұсталды. Қазіргі уақытта аталған дерек бойынша ҚР ҚК-нің 233-бабының 2-бөлігімен (Акцизделетiн тауарларды сәйкестендіру құралдарымен және (немесе) есепке алу-бақылау маркаларымен таңбалаудың тәртiбi мен қағидаларын бұзу, сәйкестендіру құралдарын және (немесе) есепке алу-бақылау маркаларын қолдан жасау және пайдалану) қылмыстық іс қозғалып, сотқа дейінгі тергеп-тексеру амалдары жүргізіліп жатыр", – делінген Атырау облысы полиция департаменті таратқан мәліметте.
Арнайы операцияны Атырау облысы полиция департаментінің ұйымдасқан қылмысқа қарсы күрес басқармасының қызметкерлері жүргізді.
Баян Жанұзақова
