Қайырымдылыққа қатыс та, Ninety One тобының солистерімен кездесуге мүмкіндік ал!

23 ақпанда Астанада  Ninety One  музыкалық тобы  солистерінің қатысуымен  Bolashak Bright  қайырымдылық платформасының тұсаукесері өтті.  Bolashak Bright  – бұл bolashakbright.kz онлайн қайырымдылық платформасы, мұнда кез келген адам Қазақстанның қайырымдылық қорларына жәрдем беру арқылы бағалы жүлделер мен сыйлықтардың ұтыс ойынына қатыса алады. Жиналған қаражат Қазақстанның қайырымдылық қорларының жобаларын іске асыруға жұмсалады. Мақсаты – қайырымдылықты халық арасында насихаттау.  Жобаны ұйымдастырушы – «Болашақ» корпоративтік қоры. Bolashak Bright  аясында ай сайын www.bolashakbright.kz сайтында ниет білдіргендердің барлығынан 1 000 теңгеден бастап және одан жоғары қайырымдылық жарналары жиналатын болады. Айдың соңында қайырымдылық жасаушылар арасында ұтыс ойыны өткізілетін болады. Жеңімпаз бағалы жүлде алады немесе атақты адаммен ланч үстінде кездесу мүмкіндігіне ие болады. Ай сайын қаражат бағытталатын қор/жоба, сондай-ақ шақырылған қонақ/ұтыс жүлдесі өзгереді. Әр процесс ашық болады, оның әрқайсысын жоба сайтынан немесе әлеуметтік желілерде бақылауға болады. Қаражаттың алғашқы жиналуы 23 ақпан мен 23 наурыз аралығында өтеді. Бірінші ұтыс ойынының жеңімпазы танымал  Ninety One  музыкалық тобының мүшелерімен ланч үстінде кездесуге мүмкіндік алады. Алғашқы жиналған қаражат буллезді эпидермолизбен ауыратын 8 жасар Тимур Сидировқа екі қолдың саусақтарын ажырату бойынша ота жүргізу үшін   Kobelek Balalar  қорына бағытталады. Қаражаттың жұмсалуы туралы есептер жобаның сайтында жарияланады. Ұйымдастырушыларды осы жобаны жасауға 2016-2017 жылдары өткізілген «Болашақ» қауымдастығының  Bolashak lunch  қайырымдылық акциясының сәтті тәжірибесі шабыттандырды. Ұтыс ойындарының жеңімпаздары Рио-де-Жанейродағы Олимпиада ойындарының күміс жүлдегері Василий Левитпен, әнші Қайрат Нұртаспен, «Барыс» хоккей клубының форварды  Найджел Доуспен және басқалармен кездесті. Түскен қаражат ЦСА және аутизмі бар балаларды оңалтуға бағытталды. Дүниежүзілік қайырымдылық индексінде 2022 жылы Қазақстан 2021 жылмен салыстырғанда бес саты жоғары көтеріліп, 119-дан 93-орынды иеленді. Салыстыру үшін 2010 жылы Қазақстан 121-орында, 2018 жылы 96-орында, ал 2021 жылы 98-орында болды. Қазақстанда ондаған әлеуметтік маңызды бастамаларды жүзеге асыратын 40-қа жуық қайырымдылық ұйымы бар. Бірақ қайырымдылық әлі де кең таралмаған. Қазақстандық қайырымдылық қорларын бірнеше түрге бөлуге болады: қайырымдылықты дамыту, әлеуметтік жобалар, денсаулық сақтауды, мәдениетті және білім беруді қолдау, балаларға көмек, аз қамтылған отбасыларға көмек, заңгерлік және әлеуметтік көмек, қарттарға көмек, жануарларға көмек. Көбінесе олар меценаттардың, қамқоршылардың қаражаты есебінен жұмыс істеп тұрады.

«Кеше, 22 ақпанда біздің қорымызға 12 жыл болды. Осы жылдар бойы біз елімізде қайырымдылықты жүйелі түрде дамытып келеміз. Соңғы жылдары біз басқа қорлардың жүйелі дамуына қалай көмектессек, оларға қалай қолдау көрсетсек деп жиі ойланатынбыз. Біз қайырымдылық мәдениетін дамытып, барлығына қайырымдылық оңай екенін көрсеткіміз келеді.  Bolashak Bright-тың арқасында жанашыр азаматтармен бірге біз тамаша бастамалар мен жобаларды қолдай алатынымызға сенімдіміз. Жобаның артықшылығы – әрбір қайырымдылық жасаушы бағалы сыйлық ұтып алу мүмкіндігіне ие болады. Еліміздегі қайырымдылық ұйымдарынан қорға барлығы 20 ондықтан астам өтініш келіп түсті. Біз бірінші болып  Kobelek Balalar  қорын таңдадық, себебі бірнеше жылдан бері олармен бірге жұмыс істеп келе жатырмыз, қалай жұмыс істейтінін білеміз», – деді «Болашақ» қоры Қамқоршылық кеңесінің төрайымы Динара Гаплан.

Тұсаукесерге жобаның ұйымдастырушылары,  Ninety One  тобының мүшелері, серіктестер, қайырымдылық қорларының басшылары, блогерлер, журналистер қатысты. Тұсаукесер шегінде  Ninety One  тобының концертіне 2 билет ойнатылады. Жоба серіктестері:  Ninety One  тобы,  FlyArystan  компаниясы,  Myd Production  компаниясы,  A-Event  компаниясы,  Sxodim Group  медиахолдингі, «Технодом» компаниясы,  Turkish Airlines  компаниясы,  Sheraton Astana  қонақүйі, «Барыс» хоккей клубы,  KAZGUU бизнес мектебі,  Global Coffee  кофеханалар желісі, «Болашақ» қауымдастығы, «Кефир» шығармашылық агенттігі,  The Sun компаниясы.   «Болашақ» корпоративтік қоры туралы «Болашақ» корпоративтік қоры 2011 жылы «Болашақ» бағдарламасы стипендиаттарының қауымдастығымен құрылған. Қордың негізгі мақсаты – жүйелі қайырымдылықты дамыту, сондықтан біз ұзақмерзімді әлеуметтік жобаларды жүзеге асырамыз. Біздің жобалар: «Әр бала мектепке баруға лайықты», «Жол жүру гранттары», «Қысқы қайырымдылық балы», «Өзіңнен баста». Біздің әрбір жобамыз – инклюзивті қоғам құруға, дарынды жастарды, оның ішінде мүмкіндігі шектеулі жандарға қолдау көрсетуге, қазақтілді халықтың құқықтарын қорғауға бағытталған жылдан-жылға жетілдірілетін тетік. Қор Қазақстанның 22 қаласында инклюзияны қолдау бойынша 46 кабинет ашты, дарынды жастарды ілгерілету үшін 100-ден астам білім беру және жол жүру гранттарын берді, инклюзивті білім беру мен дарынды жастарды қолдау үшін 13 қайырымдылық балын өткізді, отбасымен бірге көруге арналған 38 фильм қазақ тіліне дубляждалды. Қайырымдылық қаражатын пайдаланудың ашықтығын сақтау мақсатында біз жыл сайын қордың www.bolashakcharity.kz сайтында қаржылық есептерді жариялаймыз.    Kobelek Balalar қоры туралы Kobelek Balalar қоры 2017 жылы құрылған. Бүгінде елде ихтиозбен (терінің жоғарғы (мүйізді) қабатының қабыршақтануының бұзылуымен сипатталатын дерматоздар тобы) ауыратын 600-ден астам пациент бар және олардың барлығы сапалы медициналық көмекке мұқтаж. Қор медициналық, атаулы, ақпараттық, заңгерлік және консультациялық көмек көрсетеді. Сондай-ақ өңірлік дәрігерлер үшін оқыту семинарларын өткізеді, қордың мамандары дерматологиялық конференцияларда сөз сөйлейді. Қордың арқасында 99 пациент жан-жақты көмек алып отыр. 8 жасар Тимур Сидировқа екі қолдың саусақтарын ажырату бойынша операция Санкт-Петербург қаласында Санкт-Петербург мемлекеттік университетінің Н.И.Пирогов атындағы  жоғары медициналық технологиялар клиникасының  RecOrt  реконструктивті ортопедия орталығында жоспарланып отыр. Операцияның құны 1 млн 198 000 теңгені құрайды. Бұған дейін «Болашақ» қоры 2020-2022 жылдары Халықаралық генетикалық дерматоздар қауымдастығына қолдау көрсеткен болатын. Қордың қолдауы арқасында: Қазақстаннан бір балаға саусақтарын ажырату операциясы жасалды;  Қазақстаннан 10-нан астам бала генетикалық диагностикадан өтті; Қазақстаннан 18 дәрігер «Туа біткен буллезді эпидермолизге шалдыққан науқастардың сыртқы терапиясы үшін Мёлнлике Хелс Кеа компаниясының таңғыштарын қолдану» семинарына қатысты; Қазақстаннан 60 маман Debra International Congress 2021 халықаралық конгресіне қатысты.