Жемқорлық жасағаны үшін Тараз қалалық сотының төрағасы сотталды, – деп хабарлады ҚР Сыбайлас жемқорлыққа қарсы іс-қимыл агенттігі.
«Тараз қаласының №2 сотының үкімімен Жамбыл облысы Тараз қалалық сотының төрағасы А. Мадемаров жемқорлық қылмыс жасағаны үшін кінәлі деп танылып, 3 жылға бас бостандығынан айырылды.
Сондай-ақ, А. Мадемаров өмір бойы мемлекеттік қызметте қызмет атқару құқығынан айрылды.
Сотталушы сатып алу-сату мәмілесін және меншік құқығын жарамды деп тану туралы азаматтық іс бойынша оң шешімге жәрдемдескені үшін азаматтан алдау жолымен 1 миллион теңге мөлшерінде ақшалай қаражат алды», – делінген ресми мәлімдемеде.
