Ақтөбе облысында локоматив пен жолаушылар пойызы соқтығысты
Ақтөбе облысында локоматив пен жолаушылар пойызы соқтығысты
Ақтөбе облысында локоматив пен "Бішкек-Самара" бағыты бойынша келе жатқан жолаушылар пойызы соқтығысты.
"Алдын ала мәліметтер бойынша, 5 наурызда сағат 10.30-да Ақтөбе облысы  Шалқар ауданы  Бершүгір теміржол стансасында маневрлік локомотивпен бүйірлік соқтығысу салдарынан "Бішкек-Самара" қатынасымен жүретін №317 жолаушылар пойызының тепловозы, №1 вагоны және №2 жолаушылар пойызының үш доңғалақты жұбы рельстен шығып кетті", – деп жазды ҚТЖ баспасөз қызметі
Оқиға орнына "Қазавиақұтқару" тікұшағы ұшып шығып, құтқару бөлімшелері жіберілді және ҚТЖ қалпына келтіру пойызы жөнелтілді. Қолда бар ақпаратқа сәйкес, пойызда 200-ден астам адам болған (Қырғызстан, РФ және Қазақстан азаматтары, ҚТЖ қызметкерлері). Олардың ешқайсысы зардап шеккен жоқ, қазір жолаушылар пойыздың басқа вагондарына орналастырылды. ТЖМ және өңірдің ТЖД қызметкерлерінен тұратын жедел штаб құрылды. Оқиғаның себебін анықтаумен құзыретті органдар айналысатын болады.