Шығыс Қазақстан облысында мамандар жасанды жолмен таудан қар түсіреді. Сондықтан қауіпсіздік үшін жолдарды жапты, – деп хабарлайды Aikyn.kz. ШҚО Төтенше жағдайлар департаментінің мәліметінше, бүгін өңірдегі тасжолда профилактикалық мақсатта қар түсірілмек.
«Сағат 11.00-ден бастап облыстық маңызы бар «Өскемен-Тарғын-Самар» тасжолының 95-102 шақырымында көліктің барлық түрі үшін қозғалысқа тыйым салынды. Жүргізушілерден түсіністік танытуды сұраймыз», – делінген ресми хабарламада.Жолаушыларға алыс сапарға шығар алдында жолдардың жай-күйін «Дәрмен» мобильдік қосымшасы арқылы тексеріп отыруға кеңес берді.