Президент Қасым-Жомарт Тоқаев Батыс Қазақстан облысында жұмыс сапармен болып, «Батыс Қазақстан машина жасау компаниясы» акционерлік қоғамының жұмысымен танысты.
Зауыт басшысы кәсіпорынның мұнай мен газ, күрделі металл конструкцияларын өндіруге, өңдеуге, тасымалдауға арналған жоғары технологиялық жабдықтар шығарумен айналысатынын баяндады. Зауыт ауыл шаруашылығының қажеттіліктері үшін Fregat себелеп суаратын машиналар өндірісін дамыту жобасын жүзеге асыруды жоспарлап отыр.
Кәсіпорын жұмысымен танысқан Мемлекет басшысы жаңа жобаларды жүзеге асырудың маңызын атап өтті.
Қасым-Жомарт Тоқаев өңірдегі ең үлкен «Атамекен» мәдениет сарайына барды. Өнер ордасы 920 адамға арналған. Президент мұнда өңірдің тарихи-шығармашылық мұраларына арналған көрмені тамашалады.
Бұдан кейін Мемлекет басшысы мәдениет сарайының мәжіліс залында аймаққа еңбегі сіңген азаматтармен кездесті. Олардың арасында өңірдің дамуына үлес қосып жүрген сала мамандары мен оқыс оқиғалар кезінде белсенділік танытып, азаматтық үлгі көрсеткен кісілер де бар.
Президент өңір белсенділерімен пікір алмасты. Ол бүгін аймақтың тыныс-тіршілігімен танысып жүргенін айтты.
– Облыстың әлеуеті зор. Елімізде ауқымды жұмыстар атқарылып жатыр. Осындай кезеңде біз үшін ең құнды нәрсе – бейбітшілік, өзара түсіністік. Осы жолда бәріміз бір ел болып еңбек етсек, ешқандай кедергі болмайды. Бірлігіміз бекем болса, тосқауылдың бәрін еңсереміз, – деді Қасым-Жомарт Тоқаев.
Мемлекет басшысы кездесуге қатысқан ғалымдарға, жастарға, еңбек адамдарына қолдау көрсетілетінін жеткізді. Сонымен қатар Президенттік жастар кадрлық резерві әлеуметтік лифт ретінде жұмыс істей бастағанын атап өтті.
Мемлекет басшысы Қасым-Жомарт Тоқаев соғыс ардагері Иван Гапичтің үйіне барды. Сондай-ақ 96 жастағы жергілікті өлкетанушы, мәдениет қайраткері Жайсаң Ақбаймен де әңгімелесті.
Президент Батыс Қазақстан облысына жұмыс сапары барысында әлемдегі ең ірі мұнай-газ конденсат кен орындарының бірін игеріп жатқан «Қарашығанақ Петролиум Оперейтинг Б.В» консорциумының жұмысымен танысты.
Қасым-Жомарт Тоқаевқа Қарашығанақты кеңейту жобасы таныстырылды.
«Қарашығанақ Петролиум Оперейтинг Б.В» бас директоры Джанкарло Руюдың айтуынша, Қарашығанақты кеңейту жобасының 2021-2024 жылдарға жоспарланған алғашқы кезеңінде 5-газды қайта айдау компрессоры мен басқа да өндіріс нысандарының құрылысы жүріп жатыр.
Жалпы, Қарашығанақты кеңейту жобасы сұйық көмірсутегін өндіру деңгейін 46 миллион тоннаға дейін ұлғайтып, Қазақстан Республикасы мен Қарашығанақ жобасының серіктестеріне қосымша табыс табуға мүмкіндік береді.
Сондай-ақ консорциум серіктестері қазір Энергетика министрлігімен бірлесіп, жаңа газ өңдеу зауытының техникалық-экономикалық негіздемесін әзірлеп жатыр. Егер газды кешенді түрде өңдейтін зауыт салынса, жылына 4 миллиард текше метрге дейін газ және 0,5-0,6 миллион тонна пропан-бутан фракциясын өндіріп, еліміздің энергетикалық әлеуетін айтарлықтай ұлғайтуға мүмкіндік туады.
Мемлекет басшысы жаңа газ өңдеу зауытының құрылысы өте маңызды екенін атап өтті. Сондай-ақ Қарашығанақ кен орнының еліміздегі мұнай-газ индустриясын өркендетудегі және әлеуметтік-экономикалық саласын дамытудағы үлесі зор екеніне назар аударды.
Мемлекет басшысы Батыс Қазақстан облысына жұмыс сапары аясында Ақсай қаласындағы PetrolValves Kazakhstan ЖШС-ның өндіріс цехына барды.
Италиялық PetrolValves S.p.A және қазақстандық Merlion Development Group ЖШС біріккен кәсіпорын мұнай-газ және энергетика өнекәсібінде қолданылатын жоғары технологиялық тиекті арматуралар, клапандар өндірумен және оларды жөндеумен айналысады. Бұл – Қазақстанда жоғары технологиялық клапандар өндіретін және сервистік қызмет көрсететін жалғыз өндіріс орны.
Компания директоры Динар Хамиев бастапқы кезеңде PetrolValves Kazakhstan жылына 500 клапан өндіруді жоспарлап отырғанын айтты. Сондай-ақ аталған орталық италиялық серіктестің патенттелген Valve New Life бағдарламасына сәйкес, жергілікті мұнай-газ кәсіпорындарына өндірістік процестен қол үзбей сервистік қызмет көрсетеді.
Мемлекет басшысы Қасым-Жомарт Тоқаев Батыс Қазақстан облысына жұмыс сапары барысында Ақсай қаласындағы Жастар ресурстық орталығында өңірдің белсенді жастарымен кездесті.
Президент еліміздің болашағы өскелең ұрпақтың қолында екеніне тоқталып, мемлекет еңбекқор жастарға, олардың идеялары мен ұсыныстарына әрқашан қолдау көрсететінін айтты. Сондай-ақ Қасым-Жомарт Тоқаев дарынды жастарға жол ашу керек екенін жеткізді.
Сонымен қатар Президент Ақсайға осыдан 23 жыл бұрын келгенін еске алып, қазір қаланың көркейгенін, көшелері ұқыпты, таза екенін атап өтті.
Ақсай қаласындағы Жастар ресурстық орталығы жергілікті тұрғындарға бірнеше бағыт бойынша қызмет көрсетеді. Атап айтқанда, орталықта «Болашақ» коворкинг алаңы, «Аяла» қайырымдылық дүкені жұмыс істейді. NEET санатындағы жастарды жұмысқа орналастырумен айналысатын Жастарға қызмет көрсету орталығы да бар. Орталық мамандары жасөспірімдерге, өмірде түрлі қиындыққа тап болған жандарға психологиялық көмек көрсетеді.
Қасым-Жомарт Тоқаевқа Қарашығанақты кеңейту жобасы таныстырылды.
«Қарашығанақ Петролиум Оперейтинг Б.В» бас директоры Джанкарло Руюдың айтуынша, Қарашығанақты кеңейту жобасының 2021-2024 жылдарға жоспарланған алғашқы кезеңінде 5-газды қайта айдау компрессоры мен басқа да өндіріс нысандарының құрылысы жүріп жатыр.
Жалпы, Қарашығанақты кеңейту жобасы сұйық көмірсутегін өндіру деңгейін 46 миллион тоннаға дейін ұлғайтып, Қазақстан Республикасы мен Қарашығанақ жобасының серіктестеріне қосымша табыс табуға мүмкіндік береді.
Сондай-ақ консорциум серіктестері қазір Энергетика министрлігімен бірлесіп, жаңа газ өңдеу зауытының техникалық-экономикалық негіздемесін әзірлеп жатыр. Егер газды кешенді түрде өңдейтін зауыт салынса, жылына 4 миллиард текше метрге дейін газ және 0,5-0,6 миллион тонна пропан-бутан фракциясын өндіріп, еліміздің энергетикалық әлеуетін айтарлықтай ұлғайтуға мүмкіндік туады.
Мемлекет басшысы жаңа газ өңдеу зауытының құрылысы өте маңызды екенін атап өтті. Сондай-ақ Қарашығанақ кен орнының еліміздегі мұнай-газ индустриясын өркендетудегі және әлеуметтік-экономикалық саласын дамытудағы үлесі зор екеніне назар аударды.
Мемлекет басшысы Батыс Қазақстан облысына жұмыс сапары аясында Ақсай қаласындағы PetrolValves Kazakhstan ЖШС-ның өндіріс цехына барды.
Италиялық PetrolValves S.p.A және қазақстандық Merlion Development Group ЖШС біріккен кәсіпорын мұнай-газ және энергетика өнекәсібінде қолданылатын жоғары технологиялық тиекті арматуралар, клапандар өндірумен және оларды жөндеумен айналысады. Бұл – Қазақстанда жоғары технологиялық клапандар өндіретін және сервистік қызмет көрсететін жалғыз өндіріс орны.
Компания директоры Динар Хамиев бастапқы кезеңде PetrolValves Kazakhstan жылына 500 клапан өндіруді жоспарлап отырғанын айтты. Сондай-ақ аталған орталық италиялық серіктестің патенттелген Valve New Life бағдарламасына сәйкес, жергілікті мұнай-газ кәсіпорындарына өндірістік процестен қол үзбей сервистік қызмет көрсетеді.
Мемлекет басшысы Қасым-Жомарт Тоқаев Батыс Қазақстан облысына жұмыс сапары барысында Ақсай қаласындағы Жастар ресурстық орталығында өңірдің белсенді жастарымен кездесті.
Президент еліміздің болашағы өскелең ұрпақтың қолында екеніне тоқталып, мемлекет еңбекқор жастарға, олардың идеялары мен ұсыныстарына әрқашан қолдау көрсететінін айтты. Сондай-ақ Қасым-Жомарт Тоқаев дарынды жастарға жол ашу керек екенін жеткізді.
Сонымен қатар Президент Ақсайға осыдан 23 жыл бұрын келгенін еске алып, қазір қаланың көркейгенін, көшелері ұқыпты, таза екенін атап өтті.
Ақсай қаласындағы Жастар ресурстық орталығы жергілікті тұрғындарға бірнеше бағыт бойынша қызмет көрсетеді. Атап айтқанда, орталықта «Болашақ» коворкинг алаңы, «Аяла» қайырымдылық дүкені жұмыс істейді. NEET санатындағы жастарды жұмысқа орналастырумен айналысатын Жастарға қызмет көрсету орталығы да бар. Орталық мамандары жасөспірімдерге, өмірде түрлі қиындыққа тап болған жандарға психологиялық көмек көрсетеді.