Төтенше жағдайлар министрі Юрий Ильин қар күрт еріп, су тасып жатқан Батыс өңірлердегі ахуал тұрақсыз екенін айтты.
«Қазіргі кезде Батыс Қазақстан және Ақтөбе облысында ахуал нашар. Ұзын-саны 51 үй су астында қалды. 45-і – Батыс Қазақстанда, 6 – Ақтөбе облысында орналасқан. Құтқарушылар 240 адамды эвакуациялады. Оның ішінде, 20-дан астам адамды уақытша эвакуация пунктіне орналастырды. Қалғаны туыс-туғандарының үйін паналап отыр», – деді министр Юрий Ильин.
