Атырау облыстық Полиция департаментінің хабарлауынша, есірткі сатушы 1 наурыз күні жүргізілген арнайы операция кезінде қолға түскен.
"Сараптама қорытындысы бойынша, тәркіленген заттың 26 грамм синтетикалық есірткі екені белгілі болды. Аталған дерек бойынша ҚК-тің 297-бабы 3-бөлігімен қылмыстық іс қозғалып, сотқа дейінгі тергеп-тексеру басталды", – делінген ақпаратта.Арнайы операцияны Атырау облысы Полиция департаменті Есірткі қылмысына қарсы іс-қимыл басқармасының қызметкерлері жүргізген. Жедел-іздестіру шаралары кезінде күдікті Атырау қаласы аумағында синтетикалық есірткіні аса ірі көлемде жасырып, сатумен айналысқаны белгілі болды.
Баян Жанұзақова