Қазақстанның бірінші, әлемнің 10-ракеткасы Елена Рыбакина әлемдік теннисте әйелдер арасындағы көшбасшы Ига Швёнтекті ұтып, АҚШ-та өтіп жатқан Индиан Уэллс WTA 1000 турнирінің финалына шықты.
Жартылай финалда әлемнің 1-ракеткасы, Польша өкілі Ига Швентекпен кездескен Елена Рыбакина өзінің мықты екенін тағы бір дәлелдеді.
Бұл жолы да Елена қарсыласына жол бермеді. Екі партияда қатарынан 6:2, 6:2 есебімен ұтып, ол басымдыққа ие болды.
Осыған дейін қос теннисші үш рет кездесіп, соның екеуінде қазақстандық теннисші жеңіске жеткен болатын.