Ақтөбедегі ірі сауда орындарының бірінде ыстық бауырсақ пен сүттен жасалған сусын түрлері тұрғындарға үлестірілді. Бүкіл тағамды келіндер клубының мүшелері әзірлеген. Ұлттық киімдегі қыз-келіншектер саудагерлер мен сатып алушыларға дәм ұсынып, Наурыз мейрамының маңызы туралы айтты. Сондай-ақ жұртшылықты мерекемен құттықтады. Шараға 30-дан астам қыз-келіншек қатысты. Ұйымдастырушылар мұндай шараны енді дәстүрлі түрде өткізбек. – Барлық келіндер үйден бауырсақ пісіріп, үлкендерімізге сәлем беріп, бата алып, ілтипаттарымызды көрсетеміз және түрлі ұмытылып бара жатқан ырымдарымызды, тағамның түрлерін бәрін үйрететін боламыз, – дейді қала тұрғыны Гүлмира Тілеулина. https://youtu.be/v47rJMouPAU