Бүгін қазақстандық теннисші Елена Рыбакина Майамидегі (АҚШ) турнирде алғашқы кездесуін өткізеді. Sports.kz жариялауынша, оның алғашқы қарсыласы ресейлік Анна Калинская (WTA рейтингінде 64-орын) болады. Бұған дейін Елена Рыбакина мен Анна Калинская бір рет ойнаған. 2019 жылы Плейфордта (Аустралия) өткен турнирдің финалында Анна Калинская Елена Рыбакинаны 6:4, 6:4 есебімен жеңген. Еске салайық, жуырда Елена Рыбакина Индиан-Уэллстегі (АҚШ) ірі турнирде жеңіске жетіп, әлемнің 7-ракеткасы атанды.