«ҚТЖ-Жүк тасымалы» ЖШС бухгалтерлерінің қылмыстық іс-әрекетіне тосқауыл қойылды. Бұл туралы Aikyn.kzБас көлік прокуратурасына сілтеме жасап хабарлайды.
Бас көлік прокуратурасының арнайы прокурорлары «ҚТЖ – Жүк тасымалы» ЖШС Алматы бөлімшесінде аса ірі мөлшерде қаражат ұрлаудың қылмыстық жолының белгілерін анықтады.
Тергеуде жалақыны есептеу үшін SAP HRP бағдарламасы мен кәсіпорынның Интернет-банкингі арасындағы интеграцияның болмауына байланысты алаяқтық жасағаны белгілі болды. Яғни, бухгалтерлік есепте қызметкерлерге жалақы бойынша қажетті сандарды қойған.
Төрт жыл ішінде артық төлемдер өздерінің сенімді адамдарының карточкаларына аударылып, қолма-қол ақшаға айналдырып, ұйымдастырушыларға беріліп отырды.
Бүгінгі күні айыпталушы адам сотқа тартылды.
Бұған дейін кәсіпорында осындай қылмыс жасау арқылы 80 миллион теңгеден астам ақша ұрлаған үшін 2023 жылдың қаңтарында жетекші бухгалтер Ж.Құндақбаева сотталды.
Жыл сайынғы аудиторлық тексерулер бұл кемшіліктердің барлығын анықтаған жоқ. Оларға құқықтық баға беру үшін сотқа дейінгі тиісті тергеу басталды.
Сондай-ақ, SAP HRP бухгалтерлік бағдарламасы «ҚТЖ» ҰК» АҚ көптеген кәсіпорынында жұмыс істейтіні белгілі болды.
Көлік прокуратурасы мұндай ұрлыққа тосқауыл қою үшін ұлттық оператордың атына қолданыстағы еңбекақы төлеу жүйесін қайта қарау, бухгалтерия қызметкерлерінің негізгі іс-әрекеттерін цифрландыру және осы саладағы жұмысты тиісінше ұйымдастырмағаны үшін кінәлі лауазымды адамдарды жауапқа тарту туралы ұсыныс енгізді.
