«Шымбұлақ» тау шаңғысы курорты ресми түрде «Әлемдегі ең биік түнгі тау шаңғы трассасы» номинациясы бойынша Гиннестің рекордтар кітабына кірді, – деп хабарлады ҚазАқпарат.
Guinness World Records офисінің судьясы Шейд Субаши-Гемиджи өз сөзінде «Шымбұлақта» болғанына қуанышты екенін айта келе, тау шаңғы курортының бас директоры Ринат Абдрахмановқа әлемдік рекордты растайтын сертификатты табыс етті.
Сертификатты тапсыру рәсімі және рекорд нәтижесін ресми тіркеу – теңіз деңгейінен 3200 метр биіктікте «Талғар асуы» станциясында өтті.
«Шымбұлақ» тау курорты әлемдегі ең биік түнгі шаңғы трассасы ретінде ресми түрде Гиннес рекордын алғаны туралы сіздерге хабарлауға қуаныштымын. Бұл әлемдегі жаңа рекорд», – деді Шейда Субаши-Гемиджи.
[caption id="attachment_246405" align="alignnone" width="1203"] Фото: inform.kz[/caption]
Салтанатты шараға ҚР Мәдениет және спорт министрі Асхат Оралов, Алматы қаласы әкімінің орынбасары Арман Қырықбаев қатысты.
«Бүгін тарихи күн. Біздің «Шымбұлақ» тау шаңғы курортымыз Гиннестің рекордтар кітабына енді. Бұл бүкіл ел үшін үлкен жетістік. Әрине, біздің әлеуетіміз зор, «Шымбұлақ» еліміздегі туризмді дамытудың негізгі орындардың бірі болып табылады. Жалпы, қазіргі таңда Мәдениет және спорт министрлігінің араласуымен нақты қадамдар қабылдануда. Атап айтқанда, елімізде алдағы жеті жылға арналған туризм саласын дамыту тұжырымдамасы әзірленді. Біз жергілікті атқарушы органдармен, серіктестермен, бизнес қоғамдастықпен бірлесіп инфрақұрылымды және туризмімізді дамытатын боламыз», – деді Асхат Оралов.
Шара соңында қызыл лента салтанатты түрде кесіліп, ең биік түнгі тау шаңғысы трассасымен төмен қарай жаппай сырғанау өтті.
Теңіз деңгейінен 3200 метр биіктікте түнде шаңғымен сырғанау 2021 жылдың қарашасында басталған еді. Осы уақыт ішінде жүздеген мың адам түнгі уақытта ең жоғары нүктеден түсіп үлгерді.
[caption id="attachment_246406" align="alignnone" width="1201"] Фото: inform.kz[/caption]
Тау шаңғы курортының баспасөз қызметінің хабарлауынша, 2021-2022 жылғы маусымда түнгі шаңғымен сырғанауға 50 346 турист келген, биылғы маусымда 10% есе көп келді, яғни, 55 486 келушілер болды.
Сонымен қатар, 2021-2022 жылғы маусымда күніне 12 520 адам келсе, биылғы маусымда курортқа 1 миллионнан астам адам келіп үлгерді.
Фото: inform.kz[/caption]
Салтанатты шараға ҚР Мәдениет және спорт министрі Асхат Оралов, Алматы қаласы әкімінің орынбасары Арман Қырықбаев қатысты.
Фото: inform.kz[/caption]
Тау шаңғы курортының баспасөз қызметінің хабарлауынша, 2021-2022 жылғы маусымда түнгі шаңғымен сырғанауға 50 346 турист келген, биылғы маусымда 10% есе көп келді, яғни, 55 486 келушілер болды.
Сонымен қатар, 2021-2022 жылғы маусымда күніне 12 520 адам келсе, биылғы маусымда курортқа 1 миллионнан астам адам келіп үлгерді.