Бибісара Асаубаева Нью-Делидегі Гран-Приде жеңіске жетті
Бибісара Асаубаева Нью-Делидегі Гран-Приде жеңіске жетті
Қазақстандық шахматшы Бибісара Асаубаева Нью-Делидегі ФИДЕ-нің әйелдер арасындағы Гран-при кезеңінде үшінші рет жеңіске жетті, – деп хабарлады Prosports.kz. Қазақстандық халықаралық спорт шебері Бибісара Асаубаева Гран-придің 4-турында ресейлік Александра Горячкинадан жеңілгеннен кейін, үндістандық гроссмейстер Харика Дронавалиден басым түсті. Осы жеңістен кейін жерлесіміз 3 ұпай жинап, ресейлік А.Горячкинамен үшінші-төртінші орынды өзара бөлісті. Сайыста әзірге 3,5 балл жинаған қытайлық Чжу Цзяньэр мен ресейлік Полина Шувалова көш бастап тұр. Бүгін Бибісара Асаубаева екеуімен де кездесу өткізеді. Шахмат әуесқойлары Бибісара Асаубаеваның 4-ші және 5-ші турдағы партияларын осы сілтеме арқылы көре алады. Онда Горячкина-Асаубаева және Асаубаева – Дронавали жекпе-жегі ұсынылған.