Алматылық заңгер отбасы Анна Дмитриевич және Олег Чернов Мәжіліс депутаты Дәулет Тұрлыхановтың ұлынан 25 миллион теңге өндіріп алмақ, – деп хабарлайды Orda.kz.
«Екеуіміз де – кәсіпқой заңгерміз, сондықтан сот отырыстары біз үшін үйреншікті нәрсе. Ол бізге WhatsApp арқылы хабарласып, кінәсін жуып-шаю үшін белгілі бір сомада ақша ұсынды. Біз бұл мәселе берілген арыз бойынша қылмыстық процесс аясында шешілетінін айттық», – дейді Дмитриевич.Адвокаттың айтуынша, осынша уақыт өткеннен кейін күдікті Нұрасыл Болат та алғаш рет мәмілеге келуге тырысқан. «Біз азаматтық іс бойынша одан моралдық және материалдық шығынды өндіруді жоспарлап отырғанымызды жаздық. Олег үшін 10 миллион және 15 миллион теңге мен үшін талап етеміз. Сонымен қоса, моралдық және материалдық шығынды өтеу тараптардың бітіскенін білдірмейтінін де жеткіздік. Бұл тек сотта айыбын жеңілдететін жағдай ретінде есепке алынады» – дейді ол.