Алматы облысы Қарасай ауданы Жармұхамбет ауылында шина сақталған қойма өртенді. Өрттің жалпы аумағы 700 шаршы метрден асты. Оны сөндіруге Алматы облысының өрт сөндірушілері, полиция қызметкерлері жіберілді.
"2023 жылғы 9 сәуірде сағат 07:20-да Қаскелеңдегі № 5 өрт сөндіру бөлімінің байланыс пунктіне Алматы облысы төтенше жағдайлар департаменті "Өрт сөндіру және авариялық құтқару жұмыстары" мемлекеттік мекемесінен Қарасай ауданының Жармұханбет ауылындағы Мақатаев көшесі бойында жалпы ауданы 63 шаршы метр бір қабатты үй өртеніп жатқаны туралы хабарлама түсті. Кейіннен қойма үй-жайындағы автомобиль шиналарына (бір қабатты, Г-тәрізді ғимарат, жалпы ауданы 500 шаршы метр кірпіш және металл қабырғалар, темір тор бойынша металл шатыр) жеткен. Оқиға орнына бірінші бөлімше келген кезде өрт 763 шаршы метрге жайылып үлгерген", – деп хабарлады Алматы облысы төтенше жағдайлар департаментінің баспасөз қызметі.Өрт сағат 09:08-де ауыздықталды. Құрбандар мен зардап шеккендер жоқ. Жеке тұрғын үйлерге қауіп жоқ.