Алматы облысы Тұздыбастау ауылында итті көлікке байлап сүйреген. Куәгерлер итті сүйреген көлікті видеоға түсіріп алған. Видеодан қызыл түсті көлікке байланған иттің қан-жоса болып, жүре алмай қалғанын көруге болады.
Куәгер көлік иесін тоқтатып, итті баудан босатып алғанын айтады. Tengrinews.kz-тің дерегінше, оқиғаға қатысты Талғар аудандық Полиция басқармасы 316-бап «Жануарларға қатыгездік көрсету» бойынша іс қозғады.
«Соталды тергеп-тексеру бөлімінің қызметкерлеріне тапсырылды. Құқық бұзушы 1987 жылғы ер адам екені анықталды. Қазіргі уақытта тергеу жүргізіліп жатыр», – делінген ресми хабарламада.