Депутаттарға «Қазақстан Республикасының кейбір заңнамалық актілеріне ұлттық қауіпсіздікті қамтамасыз ету және Қазақстан Республикасының арнаулы мемлекеттік органдарындағы қызмет мәселелері бойынша өзгерістер мен толықтырулар енгізу туралы» заң жобасын бірінші оқылымда қарау ұсынылды.
Заң жобасына Парламент депутаттары бастамашы болды. Оның негізінде 2 кодекс пен 11 заңға өзгеріс енгізу көзделуде. Атап айтқанда, арнаулы мемлекеттік органдардағы қызмет тәртібін жетілдіруге бағытталған нормалар қарастырылған. Сондай-ақ әскери-өнеркәсіптік кешен кәсіпорындарын жекешелендірілгеннен кейін де мемлекеттік бақылауды қамтамасыз ететін түзетулер бар.