BMW концерні өзінің BMW Group Designworks және неміс қайық жасаушысы TYDE компаниясымен бірлесіп керемет экологиялық катер жасады. Катерді жасауға «Оскар» сыйлығын алған композитор Ханс Циммер де қатысып, жобаны шабыттандырған сияқты.
Шағын кеме керемет Голливуд фильмінің реквизитіне ұқсағанымен, оның техникалық мүмкіндіктері де ғажап. Бұл туралы New Atlas сайтында жарияланған мақалаға сілтеме жасаған Aikyn.kz хабарлайды.
Фото BMW сайтынан алынды
Icon деп аталатын катер ерекше дизайнмен жасалған, ол электрлік қозғалтқышпен жүреді. Толық қуатталған BMW аккумуляторы 50 теңіз миліне (93 км) жетеді. Су астында жасырынған 3 қанатының көмегімен катер дыбыссыз әрі тиімді қозғалады. Ашық және үлкен терезелері теңіздегі көркем көріністерді тамашалауға арнайы жасалғандай.
Шағын кемені жасаушылар оны THE ICON деп атайды, таңғажайып дизайны су астына орналасқан қанаттармен жүзетін катерлердің арасында оны ерекшелендіріп тұрады.
Фото BMW сайтынан алынды
BMW Icon-і теңіздегі ерекше сәулеттік жобаға ұқсайды, бірақ бұл шын мәнінде инновациялық электрлік катер. Icon қайықтан гөрі әуе кемелеріне ұқсайтын элементтері бар сәулет өнеріне жақын сияқты болып көрінеді.
Оның жасыл түстің ерекше реңкімен боялған призма тәрізді үлкен кабинасы негізі корпус пен қанатты шатырдың арасында орналасқан. Iconнің көз тартатын стилі тек сырттан әсем көріну үшін ғана емес, оның интерьері де талғампаз саяхатшының көңілінен шығары анық.
Үлкен терезелер керемет сыртқы көріністі қамтамасыз етеді, ал төменге қарай иілген корпусы қанат жүйесімен тамаша үйлесімде орнатылған. Сонымен қатар, үшбұрыштанып келген кабинаның ұзындығы 4,5 метр, ол тұтас әйнекпен жабылған.
Фото BMW сайтынан алынды
Катердің салоны да авангардтық бұрыштық жиһаздармен жабдықталған. Қиғаштау орналасқан қабырға шынылары сырттан түсетін сәулені еденге қарай түсіріп, керемет калейдоскоптық шоу жасайды. Креслолар байланыс пен көру бұрыштарын жақсарту үшін 360 градусқа айналады.
Жиһаздың орналасуы кеменің үшбұрышты пішініне сәйкес келеді, өйткені керемет жиһазбен жабдықталған салон командалық пунктке және саяхатшылардың ыңғайлы орналасуына ескерген.
Капитан отырғышының алдында орналасқан үлкен экран Icon-ды басқаруды, сыртты бақылауды жеңілдетеді.
Фото BMW сайтынан алынды
Катерді басқару BMW көлігінің кейбір үлгілерін еске түсіреді, мұндағы цифрлық басқару орталығында дәстүрлі теңізде жүзуде қолданылатын қажетті басқару элементтері орналасқан.
Командирлік рөл 6K тұнықтығы бар BMW 8 операциялық жүйесімен жұмыс істейтін үлкен 32 дюймдік HMI сенсорлық экранының төменгі жағын алып жатыр.
Цифрлық ақпарат пен дауыстық командалар саяхатшыларға жолда емес, электрлі BMW катерінің ішінде екенін еске салады.
Фото BMW сайтынан алынды
Басқару пульті ең соңғы үлгідегі BMW автокөлігінің басқару құралдарымен жабдықталған. Icon жалпы қуаты 240 кВт/сағ алты BMW i аккумуляторымен жабдықталған.
Кедергіні азайтатын су асты қанаттары мен 100 кВт қуаты бар қозғалтқыштар жүйесі 13,14 метрлік шағын кемені толық зарядпен 93 км дейін жүріп, ең жоғары 56 км/сағ жылдамдықпен жүзуіне мүмкіндік береді. катердің негізгі крейсерлік жылдамдығы 44 км/сағат.
Фото BMW сайтынан алынды
Катердің дизайнын жасаудағы композитор Ханс Циммердің рөліне келетін болсақ, ол BMW-нің жеке серіктесі ретінде жолаушылар Dolby Atmos арқылы саяхаттан музыкалық ләззат алатын саяхат саундтрегін әзірледі.
Планшетті басқару жүйесі жолаушыларға аудио параметрлерін және басқа ақпараттық ойын-сауық мүмкіндіктерін өздеріне ұнамды дәрежеде реттеуге мүмкіндік береді.
Icon катері жаңа Голливуд фильміне қатысатын ғылыми-фантастика сияқты болып көрінсе де, BMW компаниясы атақты Канн кинофестивалінде жаңа өнімнің таныстырылымын өткізіп, өндіріске дайын екенін мәлімдеді. Онда катер коммерциялық немесе жеке сатып алушылардың қажеттіліктерін қанағаттандыру үшін жылдам өзгертуге бейім платформаға сүйенетінін айтады.