Ел намысын абыроймен қорғаған атыраулық жас шахматшы Зарина Нұрғалиева шахматтың «рапид» және «блиц» түрінен сынға түсті. Турнир қорытындысы бойынша Зарина «блицтен» алтын медаль жеңіп алып, үшінші рет әлем чемпионы атанды. Ал, шахматтың «рапид» түрінен күміс медальға ие болды.
Зарина Атырау облысының шахматтан аға жаттықтырушысы Сабырбай Ғайсин мен FIDE және халықаралық дәрежедегі спорт шебері, Азия чемпионы Жәнібек Амановтың шәкірті. Ол бұған дейін 2019 жылы Беларусь Республикасында өткен әлем чемпионатында 12 жасқа дейінгі жасөспірімдер арасында әлем чемпионы атанған. Ал 2021 жылы FIDE ұйымдастырған жылдам шахматтан әлем кубогінде қола жүлдеге ие болды.
Ж.ҚҰТТЫБАЙ