Өткен аптада Түркістан облысының басшылығы бастаған жұмысшы топ шалғай жатқан аудандарының бірі Жетісайда болып, аймақтың тыныс-тіршілігімен танысып қайтты. Облыс әкімі сапар аясында күн сәулесімен жарық беретін жаңа стансаның іске қосылу салтанатына қатысты. Сондай-ақ әкім тас лашықта өмір сүріп жатқан 5 балалы ананың отбасында болып, олардың жағдайымен танысты. Нәтижесінде, жергілікті кәсіпкер «Қамқорлық» жобасы аясында қол ұшын созатын болды.
Жетістігі ауыз толтырып айтарлықтай Жетісайда толымды істер жетерлік. Айталық, энергия тапшылығын азайту мақсатында Жетісай ауданында күн электр стансасы салынып, іске қосылды. Германиялық мердігер компания ірі жобаны жеке қаржысына жүзеге асырды. Түркістан облысының әкімі Өмірзақ Шөкеев кәсіпорынның ашылуына қатысып, шетел инвесторларымен кездесті. Бұрынғы ескі қоқыс полигонының орнынан салынған жобаның құны – 2,5 млрд теңге. 10,7 гектар аумаққа орналасқан күн сәулелі жарық стансасының қуаттылығы – 4,8 МВт.
Аудан тұрғындары ауданды аралап келген өңір басшысына жағдайларын айтып, жаңа станса үшін ризашылықтарын жеткізді.
Өз кезегінде облыс әкімі облыста атқарылып жатқан келелі істерді атап өтті.
«Көршіміз Өзбекстан елімен байланыс кеңейіп жатыр. Бұл – ынтымақтастықтың берік көпірі және екі елдің стратегиялық мақсаттары мен ұлттық қызығушылықтарын ілгерілетеді. Мүддеміз бір. Суармалы суға қатысты жағдай қалыпты. Бауырлас халықтар ғасырлар бойы араласып жатқаннан кейін тарихи тамырымыздың байланысы да тереңде. Сол себепті қазіргідей жаһандық даму кезінде де ықпалдастықты күшейте түсуіміз орынды», – деді облыс басшысы аудан ардагерлерімен кездесу барысында.
Өңір басшысы Жетісай қаласын дамыту мақсатында кәсіпкерлік нысандар, мектеп, тұрғын үй салу жоспарланған 80 гектар жерге инженерлік инфрақұрылым жүргізуде орын алған өзекті мәселелерді талқылады. Салаға жауапты басшыларға нақты тапсырмалар берді.
Облыс әкімі жұмыс сапары барысында бетоннан құрылған лашықты паналап жүрген 5 балалы ананың отбасында болды. Үй иесі түрлі жалдамалы жұмыс істеп жүр. Ал көп баланы дүниеге әкелген ана жұмысқа шыққысы келеді. Отбасының жағдайын мұқият тыңдаған әкім баспанаға мұқтаж отбасының мәселесін шешуге тапсырма берді және жергілікті кәсіпкер «Қамқорлық» жобасы аясында қол ұшын созатын болды.
Өмірзақ Шөкеев Б.Момышұлы атындағы №6 мектеп-гимназия ұжымымен кездесті. ҰБТ сынағында ең үлкен көрсеткішпен көзге түскен білім ұясынан соңғы 15 жылда 320 «Алтын белгі» иегері шыққан. Былтыр мектептің 64 түлегі 100% мемлекеттік грант иегері атанды. Мектептің екі оқушысы ҰБТ сынағында 139 балл жинады. Дей тұрғанмен, білім ордасында да мәселелер баршылық. Айталық, озат атанған мектеп ғимараты күрделі жөндеуді қажет етеді. Аймақ басшысы бұл мәселенің де оңтайлы шешілетінін айтты.
Тельман БЕЙСЕН,Түркістан облысы
«Көршіміз Өзбекстан елімен байланыс кеңейіп жатыр. Бұл – ынтымақтастықтың берік көпірі және екі елдің стратегиялық мақсаттары мен ұлттық қызығушылықтарын ілгерілетеді. Мүддеміз бір. Суармалы суға қатысты жағдай қалыпты. Бауырлас халықтар ғасырлар бойы араласып жатқаннан кейін тарихи тамырымыздың байланысы да тереңде. Сол себепті қазіргідей жаһандық даму кезінде де ықпалдастықты күшейте түсуіміз орынды», – деді облыс басшысы аудан ардагерлерімен кездесу барысында.
Өңір басшысы Жетісай қаласын дамыту мақсатында кәсіпкерлік нысандар, мектеп, тұрғын үй салу жоспарланған 80 гектар жерге инженерлік инфрақұрылым жүргізуде орын алған өзекті мәселелерді талқылады. Салаға жауапты басшыларға нақты тапсырмалар берді.
Облыс әкімі жұмыс сапары барысында бетоннан құрылған лашықты паналап жүрген 5 балалы ананың отбасында болды. Үй иесі түрлі жалдамалы жұмыс істеп жүр. Ал көп баланы дүниеге әкелген ана жұмысқа шыққысы келеді. Отбасының жағдайын мұқият тыңдаған әкім баспанаға мұқтаж отбасының мәселесін шешуге тапсырма берді және жергілікті кәсіпкер «Қамқорлық» жобасы аясында қол ұшын созатын болды.
Өмірзақ Шөкеев Б.Момышұлы атындағы №6 мектеп-гимназия ұжымымен кездесті. ҰБТ сынағында ең үлкен көрсеткішпен көзге түскен білім ұясынан соңғы 15 жылда 320 «Алтын белгі» иегері шыққан. Былтыр мектептің 64 түлегі 100% мемлекеттік грант иегері атанды. Мектептің екі оқушысы ҰБТ сынағында 139 балл жинады. Дей тұрғанмен, білім ордасында да мәселелер баршылық. Айталық, озат атанған мектеп ғимараты күрделі жөндеуді қажет етеді. Аймақ басшысы бұл мәселенің де оңтайлы шешілетінін айтты.
Тельман БЕЙСЕН,
Түркістан облысы
