Абылайхан АҚШ-тың Талса қаласында ұйымдастырылатын бокс кешінің андеркардында рингке шығады. Сегіз раундтық жекпе-жектегі Жүсіповтің қарсыласы айтарлықтай тәжірибелі. Ол өзбекстандық Шахрам Гиясов және британиялық Джош Тейлормен жұдырықтасқан. Дегенмен екеуінде де жеңілген. Ал жалпы карьерасында 50 айқасқа шығыпты, оның отыз үшінде жеңіске жеткен – оның он тоғызында қарсыласын нокаутпен тізе бүктірген. Сонымен бірге ол он бір рет жеңіліске ұшырап, алты рет тең түскен екен. 31 жастағы боксшы карьерасын 2010 жылы бастапты. Осы уақытқа дейін АҚШ, Ұлыбритания, Коста-Рика және Мексика жерінде өнер көрсеткен. Жартылай орта салмақ рейтингінде ол Отанында алтыншы, ал әлемдік рейтингте 322-орында тұр.