Павлодар қаласындағы М.Әуезов атындағы орта білім мектебінің асханасында берілген ботқа мен котлеттің ішінен құрт шыққаны туралы ақпарат әлеуметтік желілерде таралып кетті, – деп хабарлайды Aikyn.kz pavlodarnews.kz-ке сілтеме жасай отырып.
Аталған мектептің бір оқушысы құрт шыққан тамақты фотоға түсіріп, өзінің анасына жіберген.
"Ботқаның ішінде тірі жеміс құрты табылған. Әкімшілік, оқушылардың өзін-өзі басқаруы және ата-аналар қауымының өкілі жедел тексеріске шықты. Тексеру нәтижесінде ботқа дайындалған жарманың бұзылмағаны анықталды. Ботқа да жаңадан пісірілген болатын", – делінген М.Әуезов атындағы орта білім мектебінің хабарламасында.
Болған жағдайды облыстық Білім беру басқармасы тіркеп, бақылауға алды. Облыстық Санитариялық-эпидемиологиялық бақылау департаментіне хат жолданады.
Фото: sputnik.kz