Мойынқұм аудандық сотында ҚР ӘҚБтК-нің 73-3-бабы 2-бөлігі ("жала жабу") бойынша азамат А.-ға қатысты әкімшілік іс қаралды.
Сотта 2023 жылы қазан айында азамат А. жәбірленуші С.-ны "жеңіл жүрісті қыз" деп абыройы мен қадiр-қасиетiне нұқсан келтіретін видеоны TikTok әлеуметтік желісінде жариялағаны анықталды.
Сотта А. өз кінәсін толық мойындап, жасаған іс-әрекетіне өкініш білдірді. Жәбірленуші А.-ны кешіріп, істі тоқтатуды сұрады.
Сот қаулысымен А. тараптардың татуласуына байланысты әкімшілік жауапкершіліктен босатылып, іс тоқтатылды.
Қаулы заңды күшіне енген жоқ.