"Қазгидромет" 17 қазанға арналған ауа райы болжамын жариялады, – деп хабарлайды Aikyn.kz.
Бүгін республиканың басым бөлігі кең ауқымды антициклонның ықпалында болады. Сондықтан күн ашық, жауын-шашынсыз.
Тек елдің батысында атмосфералық фронттардың өтуіне байланысты жаңбыр жауады.
Еліміздің батысында, оңтүстік-шығысында жел күшейеді.
Республика бойынша түнгі және таңертеңгі уақытта тұман түседі.
Жетісу облысының орталығында, таулы аудандарында 1-3 градусқа дейін үсік жүреді.