WBO және IBF бойынша орта салмақтағы әлем чемпионы Жәнібек Әлімханұлының германиялық Винченцо Гуальтьеримен жекпе-жегінен қанша қаржы тапқаны белгілі болды, – деп хабарлайды Aikyn.kz Sports.kz сайтына сілтеме жасап.
Шетелдік ақпарат көздерінің хабарлауынша, «Қазақ стилінің» қаламақысы – 400 мың доллар, ал ақылы трансляциялардың сатылым көрсеткіші 500 мыңнан асса, Жәнібек 1,5 миллион доллар табыс табады.
Алайда жекпе-жек ұйымдастырушылары да, жергілікті спорт комиссиясы да боксшылардың нақты табысын ресми түрде жариялаған жоқ.
Бұдан бұрын белгілі журналист Дэн Рафаэль Гуальтьеридің Әлімханұлымен жекпе-жектен алатын табысы 750 мың доллар екенін айтқан болатын. Ал басқа дереккөздер оның табысы 1 млн АҚШ долларына жетуі мүмкін екенін мәлімдеді.