«Қазгидромет» РМК 18-20 қарашаға арналған ауа райы болжамын ұсынды, – деп хабарлайды Aikyn.kz.
Синоптиктердің болжамынша, алдағы күндері белсенді Солтүстік циклон жырасының және соған байланысты атмосфералық фронтальды бөлімдердің әсерінен Қазақстанның басым бөлігінде жауын-шашын күтіледі, 18 қарашада солтүстік-батыста, солтүстікте, 19 қарашада еліміздің шығысында қатты жауын-шашын күтіледі (қарға ауысатын жаңбыр), 19-20 қарашада еліміздің оңтүстігінде, оңтүстік-шығысында жаңбыр мен қар түрінде қатты жауын-шашын болады.
Жауын-шашынмен қатар республиканың солтүстік- батысында, солтүстігінде көктайғақ, бұрқасын күтіледі. Кезеңнің соңына қарай солтүстік-батыс антициклон жотасына байланысты суық ауа массаларының енуі күтілуде, бұл Қазақстанның басым бөлігінде температураның күрт төмендеуіне әкеледі.
Мәселен, солтүстік-батыста түнгі уақытта 3-13 градус аязға дейін, күндіз 7 градус аяздан 5 градус жылыға дейін, солтүстікте, орталықта, шығыста түнде 8-16 градус аязға дейін, күндіз 2-10 градус аязға дейін төмендейді деп күтілуде.
Температураның төмендеуі оңтүстік аймақтарға да әсер етеді, мұнда түнгі уақытта 3 градус аязға дейін 7 градус жылы, күндіз 5-15 жылы, оңтүстік-шығыста түнде 6 аязға дейін 6 градус жылы, күндіз 5 градус аязға дейін 13 градус жылыға төмендейді деп күтілуде.
Республика бойынша 15-29 м/с дейін желдің күшеюі және тұман күтіледі. Солтүстік-батыс, солтүстік аймақтарда екпіні 30 м/с және одан да жоғары жел күтіледі.
фото: Qazaqstan TV