Футболдан Қазақстан құрамасының жартылай қорғаушысы Асхат Тағыбергеннің Дания қақпасына соққан голы 2024 жылғы Еуропа чемпионатының іріктеу сатысындағы үздіктер қатарына ілінді, – деп хабарлайды Aikyn.kz.
Ұлттық құрама капитаны Асхат Тағыберген 26 наурыз күні Қазақстан мен Дания арасындағы кездесудің 86-минутында қарсыластар қақпасына гол соққан еді. Сол ойында Қазақстан құрамасы 3:2 есебімен жеңіске жетті.
УЕФА-ның техникалық қадағалаушы мамандары бұған дейін құрлықтық доданың іріктеу сатысындағы үздік он голды анықтаған болатын. Олардың шешімімен Асхат Тағыбергеннің алыстан соққан голын 8-орынға лайықты деп танылды.
Алайда жанкүйерлердің дауыс беруі бойынша, ол 1-орынға шықты.
2 және 3-орындарға Албания құрамасының ойыншылары Ясир Асани мен Кристьян Асланидің соққан голдары лайықты деп бағаланды.