Ұйымдастырушылардың айтуынша, мерекелік шара 10 күн бойы жалғасып келеді. Бүгінге дейін ұжымның 70-тен аса актері 25 спектакль, 25 ертеңгілік қойды. Оны 4 жастан 13 жасқа дейінгі балалар тамашалады. Жас көрермен назарына ұсынылған қойылым мен оның мақсаты туралы «Наз» мемлекеттік би театрының әртісі Айсұлтан Басықара айтты.
– Негізі бұл спектакльдің мақсаты – жасыл желекті қорғау, суды үнемдеу. Сол арқылы балалардың көкейіне қуаныш сыйлау арқылы тәртіп пен тағылымды көрсету. Ертегі желісінде құрылған, әртүрлі кейіпкерлеріміз бар. Жыл 12 ай, жылда 12 ай болады ғой. Солардың барлығы осы спектакльде қамтылады, – деді ұжым әртісі.