Францияда Страсбургтен Парижге кетіп бара жатқан жүрдек пойыз темір жолдан шығып кетіп, 21 жолаушы жарақат алды, деп хабарлайды «Хабар 24».
Төтенше оқиға Саверн қаласына жақын Ингенайм мекенінің маңында болды. Полицияның хабарлауынша, апат лай көшкінінен туындаған. Бірақ жүргізуші алдындағы кедергіні көріп, тежегішті басып, үлкен апаттың алдын алған. Қазір оқиға орынында құтқарушылар мен дәрігерлер жұмыс істеп жатыр.
