ҚР Ішкі істер министрлігі шектеу қойылған тасжолдармен жүрген көлік жүргізушілеріне айыппұл салу мәселесін қарастырып жатыр, – деп хабарлайды Tengrinews.kz.
«Осындай мәселе бізде талқыланып жатыр. Естеріңізде ме, Владимир Божко ТЖ министрі (қазір Мәжілістің вице-спикері) болған уақытта ол жүргізушілерді жауапкершілікке тартуды ұсынған (ауа райының қолайсыздығына байланысты тасжолдың жабылуына қарамастан шектеу қойылған жолдармен жүргені үшін) болатын. Қазір осы мәселе қайтадан көтеріліп жатыр», – деді ІІМ ТЖ Комитетінің басшысы Владимир Беккер Үкімет кулуарында.
Оның айтуынша, осындай ережені Әкімшілік жауапкершілік кодексіне енгізу ұсынылған.
