Халықаралық арқан тартыс федерациясы халықаралық Олимпиада комитеті танытқан, бүгінде тасы өрге домалаған спорт түрі. Аталған спорт биыл елімізде өтетін 5-ші дүниежүзілік көшпенділер ойындарының негізгі бағдарламасына енген.
Жаңадан құрылған Республикалық федерация президенті болып Ілиясов Еркебұлан Сайдоллаұлы тағайындалды.
Ілиясов Еркебұлан Сайдоллаұлы — «Alageum Electric» Директорлар кеңесінің төрағасы, «Қазақстанның электр машиналарын жасау қауымдастығы» ЗТБ Басқарма төрағасы, YPO Kazakhstan мүшесі. 2023 жылдан берi «Жамбы ату федерациясы» РҚБ президентi қызметiн атқарып келедi. Жаңа басшының тағайындалyымен «жамбы атy» спорты қарыштап дамып, елiшiлiк бiрнеше жарыс кең көлемде ұйымдастырылды. Сонымен қатар алғаш рет «Тайтұяқ» жүлдесi сарапқа салынды. Спортшыларымыз бiрнеше халықаралық жарыстан олжалы оралды.
Федерацияның даму бағыты бойынша вице-президенті болып ҚР еңбек сіңірген жаттықтырушысы, спорт қайраткері Жабаев Нұрлан Жанпейісұлы, спорт жөніндегі вице-президент болып “Ұлттық және ат спорты түрлері орталығының” директоры Сәбитов Бақдаулет Маратұлы тағайындалды.
Жаңадан құрылған федерация Астанада өтетін V Дүниежүзілік көшпенділер ойынына арқан тартыстан қатысатын ел құрамасын жасақтауды көздеп отыр. Осыған орай еліміздің 5 аймағында іріктеу жарыстары өтеді.
Жарыс ІІ кезеңнен тұрады:
І кезең – аймақтық (орталық, солтүстік, шығыс, батыс, оңтүстік) іріктеу жарыстары;
ІІ кезең – ақтық кездесулер (финал).
Әр аймақтық іріктеуде жеңімпаз атанған командалар ІІ кезеңге жолдама алады.
1) Орталық аймақтық іріктеу: Астана қаласы 13.02.2024 ж.
2) Солтүстік аймақтық іріктеу: Көкшетау қаласы 17.02.2024 ж.
3) Шығыс аймақтық іріктеу: Семей қаласы 20.02.2024 ж.
4) Батыс аймақтық іріктеу: Атырау қаласы 24.02.2024 ж.
5) Оңтүстік аймақтық іріктеу: Тараз қаласы 28.02.2024 ж.
6) Ақтық кездесулер (финал): Астана қаласы 6-7.03.2024 ж.
Ерлер арасында: 8 спортшы, 2 алмастырушы спортшы, салмақ дәрежелері 720 келі.
Әйелдер арасында: 8 спортшы, 2 алмастырушы спортшы, салмақ дәрежесі 560 келі.
Қосымша ақпаратты әлеуметтік желідегі Facebook: (https://www.facebook.com/arqan.tartys?mibextid=LQQJ4d), Тelegram: (https://t.me/+_yezyPlZJ100ZDgy), Instagram: (https://www.instagram.com/arqan_tartys?igsh=MTdxeWZpbXFhbXo3aQ==) парақшаларынан көре аласыздар.