Кукушкин қазір кәсіпқой теннисшілер қауымдастығының (ATP) рейтингінде 247-ші орында тұр. Lexus NOTTINGHAM CHALLENGER ивентінің жекелей сынын ол сейсенбі күні кешке әлемнің 337-ші ракеткасы британдық Чарльз Бруммен жекпе-жектен бастады. Бұл қарсыластар бұрын-соңды кездескен емес, олардың мансаптағы алғашқы кездесуі 1 сағат 50 минутқа созылды, тартысты бәсеке барысында Кукушкин 5 эйспен бірге 6 брейк-пойнттың біреуін ғана пайдаланды. Ұлыбританиялық спортшы 9 эйспен көзге түсті.
Кукушкиннің келесі қарсыласы сәрсенбі күні Астана уақыты бойынша түскі уақыттан кейін анықталады. Бұл жекпе-жектің фавориті – қазіргі әлемдік рейтингте 194-ші орында тұрған бельгиялық теннисші. Оның Ұлыбританиядағы қарсыласы қазіргі уақытта әлемнің 408-ші ракеткасы болып табылады, сондықтан бейсенбіде екінші айналымда Кукушкин Де Лурмен ойнауы мүмкін.
Қазақстандық теннисші Михаил Кукушкин екінші айналымға өткен Ұлыбританиядағы Челленджер сериясының жүлде қоры шамамен 75 мың еуроны құрайды.