11 ақпанда Атырау облысы Исатай ауданының қыстауларының бірінен Тұщықұдық ауылына қарай бет алған үш көлік батпақты жерден өздігінен шыға алмай қалған, – деп хабарлайды Aikyn.kz ТЖМ-ге сілтеме жасап.
Құтқарушыларға сағат 23:10-да қоңырау келіп түскен. Олар жедел түрде авариялық-құтқару жұмыстарын жүргізуге бет алды.
Құтқарушылардың үйлесімді жұмысының нәтижесінде жоғалған адамдар Тұщықұдық ауылынан 20 км жерден табылды.
Құтқарушылар 15 адамды, оның ішінде 8 баланы құтқарып, Тұщықұдық ауылына эвакуациялады. Құтқарылған адамдарға медициналық көмек қажет болған жоқ.