BBC News басылымының хабарлауынша, Meta өзінің әлеуметтік желілерінде жасанды интеллект (ЖИ) құралдарымен жасалған жалған бейнелерді маркерлермен белгілейтін болады. Aikyn.kz британдық басылымға сілтеме жасай отырып, оның мұндай технологиялардың сенімділігі мен жұмыс істеу ережесін түсіндіреді.
Meta қазірдің өзінде өзінің жүйелерімен жасалған ЖИ кескіндерін белгілейтінін айтады. Компания жасаған жаңа маркерлеу технологиясы жасанды интеллекті фейк контентпен күресуде және желі пайдаланушыларын алдауды болдырмауға тың «серпіліс» береді деп болжануда.
Meta-ның атқарушы директоры сэр Ник Клегг өзінің блогында таяу айларда жасанды интеллект жасаған фейктерді белгілеу технологиясын жетілдіруге ниетті екенін айтады.
Reuters ақпараттық агенттігіне берген сұхбатында ол технологияның «әлі толық жетілмегенін» мойындайды, бірақ үлкен проблеманы шешуге арналған технологияның болашағына сенімді екенін айтады.
Бірақ жасанды интеллект сарапшылары мұндай құралдарды «оңай айналып өтуге» болатынын ескертеді. Мэриленд университетінің Robust Artificial Intelligence зертханасының директоры, профессор Сохайл Фейзи де мұндай жүйені оңай айналып өтуге болатынын айтады.
«Олар өздерінің детекторын белгілі бір модельдер шығарған кейбір кескіндерді белгілей алатындай етіп үйрете алады. Бірақ қаскөйлер бұл детекторларды суреттерді жеңіл өңдеу арқылы оңай айналып өтуге болады. Сондықтан менің ойымша, бұл кең ауқымды қолданбалар үшін мүмкін емес», – дейді ол ВВС-ге берген сұхбатында.
Meta өзінің құралы аудио және видеомен жұмыс істемейтінін мәлімдеген. Компания пайдаланушыларды да бұл зиянды контентпен күресуге шақырады, олар өздерінің аудио және видео хабарламаларын «ЖИ жасады» деп белгілей алады.
Сэр Ник Клегг сонымен қатар ChatGPT сияқты құралдар арқылы жасалған мәтінді тексеру мүмкін емес екенін де мойындаған: «Бұл кеме жүзіп кетті», – дейді ол.
Дүйсенбіде Meta бақылау кеңесі компанияны медиа манипуляциялау саясаты үшін сынға алып, оларды «біріктірілмеген, дәлелді негіздемелері жоқ және контенттің қалай жасалатынына орынсыз назар аударған» деп атады. Қадағалау кеңесін Meta қаржыландырады, бірақ ол компаниядан тәуелсіз.
Мұндай сындар АҚШ президенті Джо Байденнің дипфейк видеосынан кейін жиі айтыла бастады. Бұл видеода президент немересіне орынсыз қол тигізгендей етіп көрсету үшін түсірілімнің өңделгені белгілі болған. Кеңес бұл видеоның Meta-ның жалған ақпаратқа қарсы қолданыстағы ережелерінің бұзылмағанымен келіскенімен, ережелерді жаңарту қажеттігін мойындаған. Қаңтардан бастап компанияда саяси жарнамаларда цифрлық өзгертілген кескіндер немесе видеолар пайдаланылғаны туралы ескертулер болуды міндеттейтін ереже күшіне енген.
Threads (thread – өру, ағын деген мағына береді) – микроблог қызметі және әлеуметтік желі. Meta Platforms-тың еншілес компаниясы.
Threads желісінде постар 500 таңбамен шектелген және фотосуреттер салуға немесе ұзақтығы 5 минутқа дейінгі видеоларды жүктеуге болады. Бұл микроблог сервисіне тіркелу Instagram аккаунты арқылы жүзеге асырылады.
Әлеуметтік желі 2023 жылдың 25 тамызынан бері толыққанды веб-нұсқада қолжетімді. Желі қазір X деп аталатын бұрынғы Twitter микроблогына бәсеке ретінде қосылған. 2023 жылдың қазан айында Марк Цукерберг Threads-тің ай сайынғы аудиториясы 100 миллион пайдаланушыға жеткенін жариялаған.