Quartz платформасында жарияланған хабарламада пилотсыз такси велосипедшіні қағып кеткені туралы айтылды. Осы хабарламаға сілтеме жасаған Aikyn.kz пилотсыз көліктердің адам өміріне қаншалықты қауіпті екенін талдайды.
Waymo компаниясының өздігінен жүретін көліктерінің бірі Сан-Францискода велосипедшімен соқтығысқан. Компания өкілдерінің айтуынша, көлік адамды кеш байқаған. Велосипедші ешқандай ауыр жарақат алмаған, оқиға орнынан өздігінен кетіп қалған.
Waymo – Alphabet компаниясының пилотсыз көлік технологиясын жасаушы еншілес компаниясы. Компания 2016 жылы 13 желтоқсанда құрылған.
Сан-Францискодағы оқиға 6 ақпанда төрт жақты көше қиылысында болған. Waymo көлігі үлкен жүк көлігінің өтуін күтіп, алдындағы жол ашылғанда көше қиылысына шыққан. Осы кезде ол жүк көлігінің артқы жағында келе жатқан велосипедшіні қағып кеткен. Аты аталмаған жәбірленуші ауыр жарақат алмаған және апат орнынан өздігінен кетіп қалғанын Waymo өкілдері мәлімдеген.
«Велосипедшіні байқап қалған сәтте біздің көлігіміз қатты тежеген, бірақ соқтығысудан құтыла алмады. Waymo оқиға орнына полицияны шақырды, ал велосипедші кішкентай сызаттар алғанын айтқан. Біз осы оқиғаға қатысты тиісті органдармен байланыстамыз», – дейді оқиғаны түсіндірген Waymo өкілі.
Журналистер Waymo компаниясына түсініктеме алу үшін 8 ақпанда таңертең хабарласқан, әлі жауап алмаған.
Сан-Франциско полиция департаменті велосипедшінің «өміріне қауіп төндірмейтін жарақаттары» бар екенін растаған. Департамент оқиғаның мән-жайын анықтап жатыр.
Waymo соқтығысуы – соңғы айларда Сан-Францискодағы адам мен өзін-өзі басқаратын көліктің қатысуымен болған екінші апат. Өткен жылдың қазан айында жаяу жүргіншіні адам басқаратын көлік қағып кетеді. Сол көшеде келе жатқан пилотсыз GM Cruise көлігі құлап қалған адамды байқамай 6 метрдей жерге сүйретіп апарған. Сол айда Калифорния билігі қауіпсіздік мәселелеріне байланысты GM-ді өзінің Cruise көліктерін штат жолдарынан алып тастауға мәжбүр етті.
«Ашық айтайық: автоматтандырылған жүргізу жүйелерімен жабдықталған көліктерді қазіргі күйінде пайдалану қауіпті және жарамсыз», – деп жазды олар қарашада. «Бұл сала қауіпсіздікті қалпына келтіру үшін федералды реттеу қажет және осы көліктердің басқа жол пайдаланушыларына, соның ішінде осы кәсіподақтар өкілдеріне қауіп төндірмей жұмыс істеуі үшін нақты жолақтар жасау керек».
Сан-Францискодағы оқиғаның адам өміріне қауіп төндірмегені қуантады. Дегенмен жаңа технологияларды сынақтан өткізу барысында жолдағы қауіпсіздік мен адамдарға зиян келтірмеу қашанда бірінші орында тұруы қажет.