Қызылорда облысында екі адам автокөлікпен шығып кетіп, қайта оралмаған, – деп хабарлайды Aikyn.kz.
Төтенше жағдайлар министрлігі баспасөз қызметінің мәліметінше, 23 наурызда сағат 19.38-де Қызылорда облысы Жосалы кентінен 100 шақырым жерде жеңіл автокөлікпен кеткен 2 адамның жоғалып кеткені туралы хабарлама келіп түскен.
Іздеу жүргізу нәтижесінде 24 наурыз күні түнгі сағат 1.05-те Қармақшы ауданы Жосалы кентінен 100 шақырым жерде 1989 және 1994 жылы туған 2 азамат табылды.