СҚО-да жағдай әлі де күрделі. Қызылжар ауданының елді мекендері мен Петропавл қаласында су тасқынының алқашқы толқыны аяқталды, - деп хабарлайды Aikyn.kz.
Алайда Сергеев су қоймасында судың толуы 166 пайызға тең. Су бөгет шыңынан 3 метр 48 см-ге асты. Себебі бұл жерге су тасқынының екінші толқыны келе жатыр. СҚО ақпараттық-талдау тобының бас маманы Жазира Қожахметова ОКҚ алаңында осылай деді.
Петропавл мен Қызылжар ауданынан көшірілген адамдар эвакопункттерге орналастырылды. Қаладағы университет пен 4 колледждің жатақханалары эвакопункт ретінде жұмыс істейді.
«700-ден астам адам өз үйлеріне қайтты. Олардың 200-і – бала. Қазіргі сәтте 13 мыңнан астам адам эвакуацияланған. Жұмылдырылған күштер түрлі шаралар ұйымдастырып жатыр. Халықты, жануарларды құтқару бойынша шаралар қолданылып жатыр. Су тасқынының екінші толқынын қарсы алуға түрлі шаралар атқарылып жатыр», - деді спикер.