Батыс Қазақстан облысында жүк пойызы рельстен шығып, аударылды, – деп хабарлайды Tengrinews.kz тілшісі.
Төтенше жағдай 7 наурызда 23:20-да Сайхин ауылының маңында болған. Астық салынған пойыз Саратов – Астрахань бағыты бойынша жүріп бара жатқан. Алдын ала мәліметтер бойынша, апатқа дөңгелектегі жарықшақ себеп болған. Бес вагон рельстен шығып, аударылған.
Құрбандар мен зардап шеккендер жоқ.
Осы оқиғадан соң жолаушылар және басқа да пойыздар уақытша басқа жолмен жүреді.
Бұған дейін Қарағанды облысында жолаушылар пойызы рельстен шығып кеткен еді. Сол сәтте пойызда 683 адам болған. ҚТЖ мәліметі бойынша, апатқа боран себеп болған.
