Әлеуметтік желіде Маңғыстау облысында полиция қызметкерлері 59 жастағы ер адамды ұрлап, өлтірді деген күдікпен екі әскери қызметшіні ұстағаны туралы ақпарат тарады, – деп хабарлайды Aikyn.kz Kazinform-ға сілтеме жасап.
Тергеу мәліметтеріне сүйенсек, күдіктілер өлтірген адамның басын кесіп, көміп тастаған. Осы іске қатысы бар тағы бір күдікті ұстатпай қашып кеткен.
Аталған ақпаратты Полиция департаменті растады.
– Адам ұрлығы мен өлтіру деректері бойынша 2 күдікті уақытша ұстау изоляторына қамалды. Үшінші күдіктіні ұстау бойынша жедел-іздестіру шаралары жүргізілуде. Тергеу амалдары жүргізіліп жатыр. Өзге ақпарат тергеу мүддесі үшін жария етілмейді, – дейді облыстық Полиция департаментінің баспасөз хатшысы Әйгерім Ибатуллаева.
Қамауға алынған екі күдіктінің біреуі бұрынғы әскери қызметші болып шықты.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.