Бұл туралы Аikyn.kz сайты TyC Sports арнасының Х желісіндегі ресми парақшасына сілтеме жасап хабарлайды.
"Біз жалпы құрама ретінде осы сәттің рахатын сезінейікші. Дәл қазіргі қуанышымды өзім секілді басқа да жандармен бөлісемін. Сондай-ақ Ди Мария мен Отаменди сияқты бойымда үлкен қуаныш кернеп тұр және бұл футбол майданындағы соңғы қадамдар екенін түсінемін", – деді Месси TyC Sports арнасына берген сұхбатында.
Айта кетелік, аргентиналықтар биылғы Америка кубогының финалына шықты. Ақтық сында Аргентина құрамасы Колумбиямен кездеседі. Шешуші кездесу 15 шілдеде сағат 05:00-де өтеді.