Ақмола облысында құтқарушылар астық қоймасындағы өртті сөндірді, – деп хабарлайды Aikyn.kz.
Белгілі болғандай, Есіл ауданы әкімшілік орталығы элеваторларының бірінің астық қоймасы өртенді.
Өртті сөндіруге Есіл ауданының гарнизон күштері мен құралдары, жергілікті атқарушы органдар, ҚТЖ өрт сөндіру пойызы және мемлекеттік емес өртке қарсы қызмет жұмылдырылды.
ТЖМ баспасөз қызметінің мәліметінше, қызыл жалын 90 шаршы метр аумақты шарпыған.
– Жинақталған агроөнімдердің саны анықталып жатыр. Зардап шеккендер жоқ, – деді Есіл ауданы Төтенше жағдайлар департаменті басқармасының бастығы Бауыржан Жолдасов.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.