Қазақстан құрамасы футзалдан әлем чемпионатының ширек финалында Аргентинамен кездеседі, – деп хабарлайды Aikyn.kz.
Себебі 1/8 финалда Аргентина Хорватияны 2:0 есебімен жеңді. Ал ойынның алғашқы голы 2-минутта соғылды. Мергендік танытқандар - Алан Бранди (2-минут) пен Матиас Роса (24-минут).
1bol.kz-тің жазуынша, Қазақстан кеше Португалиядан басым түсіп, ширек финалға жолдама алған. Осылайша, Қазақстан мен Аргентина кездесуі 30 қыркүйек күні Ташкентте өтеді. Басталу уақыты - 20:00.
Естеріңізде болса, әлем чемпионатына дайындық барысында ұлттық құрама Алматыда Аргентинамен жолдастық кездесу өткізіп, Каканың шәкірттері жеңіске жеткен - 3:2.
Айта кетейік, аргентиналықтар 2016 жылғы біріншілікте топ жарған.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.