Дәстүрлі әнші Алма Аманжолова Қазақстанда атом электр стансасын салу мәселесі бойынша референдумға қатысты. Өнер майталманы №157 жалпы білім беретін мектепте орналасқан № 649 сайлау учаскесінде дауыс берді. Бұл туралы Алматы қаласының өңірлік коммуникациялар қызметі хабарлады.
"Біз мұндай маңызды күнде шетте тұрмауымыз керек. Мұнда отбасыммен дауыс беру үшін келдім", – дейді әнші.
Естеріңізге сала кетейік, бүгін бүкіл ел бойынша республикалық референдум өтуде. Алматылықтар тұрғылықты жері бойынша өз сайлау учаскелеріне сағат 20.00-ге дейін дауыс беруге келе алады.