Бүгін Албания астанасы Тиранада өтіп жатқан күрестен әлем чемпионатында (U23) еркін күрестен жарыс басталды, – деп хабарлайды Aikyn.kz.
Спортты дамыту дирекциясының мәліметінше, бозкілемге шыққан 5 салмақтағы спортшымыз қарсыласына жол берді.
61 кг, 1/8 айналым: Әділет Әлмұхамедов – Ибраһим Махди Хари (Иран). Есеп: 1-11.
86 кг, іріктеу: Нұржан Исағалиев – Аарон Айзеров (Израиль). Есеп: 5-15.
92 кг, іріктеу: Бекзат Аманғалиев – Мұса Арсункаев (Мажарстан). Есеп: 6-16.
74 кг, 1/8 айналым: Мұрат Жақыпов – Митчелл Мезенбринк (АҚШ). Есеп: 2-6.
125 кг, 1/8 кезең: Омархан Нәдіров – Ален Хубулов (Болгария). Есеп: 2-6.
Егер жартылай финалда қазақстандықтарды жеңген спортшылар финалға шықса, отандастарымыз ертеңгі жұбаныш кезеңіне қатысады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.