Астанадағы "Барыс Арена" спорт кешенінде қазақ күресінен ХІІІ республикалық "Қазақстан Барысы" турнирі өтіп жатыр, – деп хабарлайды Aikyn.kz.
Турнирдің ширек финалында кездесетін балуандар белгілі болды.
"Қазақстан Барысы – 2024" турнирінің ширек финалдық жұптары: Айбек Серікбаев (Қызылорда облысы) – Ерсұлтан Мұзаппаров (Шымкент қаласы); Мақсат Исағабылов (Қызылорда облысы) – Әділ Оразбаев (Әскер барысы); Саят Шамшиев (Абай облысы) – Ерасыл Нұғмат (Ұлытау облысы); Мұхтар Дәлелхан (Павлодар облысы) – Ерасыл Қажыбаев (Абай облысы).
Турнирге еліміздің 17 облысы мен республикалық маңызы бар 3 қала Астана, Алматы және Шымкент қалаларының спортшылары қатысып жатыр.
Жарыстың нәтижесі бойынша ең мықты балуан атанған бас жүлде иегеріне 15 миллион теңге көліміндегі сыйақы табысталады.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.