Грек-рим күресінен әлем чемпионатында күміс медаль алған Ержет Жарлықасынға көлік сыйға тартылды. Бұл туралы Жамбыл облыстық Спорт басқармасының баспасөз қызметі мәлім етті, – деп хабарлайды Aikyn.kz.
Жамбыл облыстық грек-рим, еркін және әйелдер күресі федерациясының президенті, спорт жанашыры Әлімбек Әсембекұлы Ержет Жарлықасынға су жаңа Toyota Camry автокөлігін және жеке бапкері Асылжан Байзақовқа 3 000 000 теңгелік сертификат табыс етті.
Айта кетейік, Ержет Жарлықасын Албания астанасы Тиранада өткен олимпиадалық емес салмақ санаттары бойынша әлем чемпионатында күміс жүлде алды.
Ол 63 кг дейінгі салмақ дәрежесінде өнер көрсетіп, финалда әзербайжандық Нихад Захид Мамадлиге 1:6 есебімен есе жіберді.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.