Бокстан Черногорияда өтіп жатқан 2024 жылғы жастар арасындағы әлем чемпионатында Санжарәлі Бегалиев чемпион атанды, – деп хабарлайды Aikyn.kz.
75 кг салмақ дәрежесінде өнер көрсеткен Санжарәлі Бегалиев финалда өзбекстандық Джафарбек Шахбазовпен кездесіп, айқын басымдықпен жеңіске жетті (5:0).
Санжарәлі Бегалиев әлем чемпионатындағы алғашқы жекпе-жегінде румыниялық Шуч Иштван Лайошты жеңсе, одан кейін Болгария боксшысы Хашем Халилден айласын асырды. Ширек финалда кубалық қарсыласы Эбдрю Ардилесті, жартылай финалда польшалық Фабиан Урбанскиді жеңді.
Бұған дейін Төрехан Сабырхан кубалық боксшыны жеңіп, әлем чемпионы атанды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.