Әуежай қызметкерлері 3 қазанда түн ортасынан бастап рейстердің ұшып-қонуы кешігіп жатқаны туралы ақпаратты растады, – деп хабарлайды Aikyn.kz.
Tengrinews.kz тілшісі түнгі және таңғы көптеген рейстің Ақтау әуежайына уақытында келмей, кесте бойынша ұша алмай жатқанын мәлімдеді. Сондай-ақ әуежайдың онлайн-дисплейінде Атырау, Баку, Ыстамбұл және Астраханнан кемінде төрт рейстің кешігіп жатқаны көрсетілген.
Ақтау халықаралық әуежайының баспасөз қызметі өкілдері кешігулер Ақтау әуежайындағы ауа райы жағдайына, атап айтқанда тұманға байланысты екенін айтты. Жолаушыларға әуе компаниясының кешігуі туралы алдын ала хабарланған.
"Қазір ұшу-қону жолағында көру мүмкіндігі жақсарды. Ұшу және ұшып кету кестеге сай жоспарланған. Кешіктірілген рейстегілерге қызмет көрсетіледі",– деп хабарлады әуежайдан.