Шымкент қаласында үш көлік соқтығысып, салдарынан екі адам көз жұмды, – деп хабарлайды Aikyn.kz.
Видеодан жеңіл автокөліктің жүргізушісі жоғары жылдамдықта өзге көліктерді айналып өтпек болғанын көруге болады. Ол рульге ие бола алмай, жолдың қарсы бетіне шығып, өз бағытымен келе жатқан көлікке соқтығысқан.
Үш автокөліктің қатысуымен болған апат 9 қарашада күндізгі уақытта Қ.Төлеметов көшесінде болған. Жол-көлік оқиғасы салдарынан Daewoo Nexia жүргізушісі мен жолаушысы оқиға орнында қаза тапты.
– Жол-көлік оқиғасы бойынша полициямен қылмыстық іс қозғалып, сотқа дейінгі тергеу басталды. Жол қозғалысы ережелерін бұзған және көліктердің соқтығысуына жол берген жүргізуші уақытша ұстау изоляторына қамалды, – делінген ақпаратта.